விபத்தில் எழுவர் பலி: 40 பேர் படுகாயம்

 மும்பையில், திங்கட்கிழமை (9) இரவு,  மாநகர மின்சாரப் பஸ் ஒன்று வீதியோரம் நின்றிருந்தவர்கள் மீது மோதிய விபத்துக்குள்ளானதில், 3 இளைஞர்கள் உள்பட 7 பேர் உயிரிழந்துள்ளனர்.

மேலும்,. 40க்கும் மேற்பட்டோர் படுகாயமடைந்துள்ளர்.

மும்பை - குர்லா மேற்கில் உள்ள எஸ்ஜி பார்வே மார்க் பகுதியில், அன்ஜும் இ இஸ்லாம் பள்ளி அருகே  இந்த விபத்து நடந்துள்ளது.

இந்த விபத்தையடுத்து, பஸ் சாரதி  கைது செய்யப்பட்டார். பஸ் வேகக்கட்டுப்பாட்டை இழந்ததாலேயே, இந்த விபத்து சம்பவித்துள்ளதாக, விசாரணையில் தெரியவந்துள்ளது.

 முதலில் அந்தப் பஸ், 4 பேர் மீது மோதியதோடு, 100 மீற்றர் வரை தவறான திசையில் சென்று, இரண்டு முச்சக்கரவண்டிகள், மற்றும் சைக்கிள்களை மோதியுள்ளது.

இதற்கிடையில் உயிரிழந்தோரின் குடும்பத்தினருக்கு தலா ரூ.5 இலட்சம் (இந்திய பெறுமதி) நிதியுதவி வழங்க மகாராஷ்டிரா முதல்வர் தேவேந்திர பட்னாவிஸ் உத்தரவிட்டுள்ளார்.