19 மாணவர்களைப் பலியெடுத்த பாடசாலை

பாடசாலையில் ஏற்பட்ட தீ விபத்தில் சிக்கி 19 மாணவர்கள் உயிரிழந்த சம்பவம் கயானாவில் பெரும் சோகத்தை ஏற்படுத்தியுள்ளது.

தென் அமெரிக்க நாடான கயானாவின் மஹ்தியா பிரதேசத்தில் அமைந்துள்ள பாடசாலைவிடுதியிலேயே நேற்று முன்தினம்  இச்சம்பவம் இடம்பெற்றுள்ளது.

இவ் விபத்தில் 12 முதல் 18 வயது வரையிலான 19 மாணவர்கள் உயிரிழந்துள்ளனர் எனவும் பலர் காயமடைந்த நிலையில் வைத்தியசாலையில் அனுமதிக்கப்பட்டு சிகிச்சை பெற்று வருகின்றனர் எனவும் தெரிவிக்கப்பட்டுள்ளது.

இந்நிலையில் இவ்விபத்துக்கான காரணம் குறித்து பொலிஸார் விசாரணைகளை முன்னெடுத்து வருகின்றனர்.