அதிகரிக்கும் பொருளாதார நெருக்கடி; அரச அதிகாரிகள் கார் வாங்கத் தடை

அண்மைக் காலமாக பாகிஸ்தான்  கடுமையான பொருளாதார நெருக்கடியில் சிக்கித் தவித்து  வருகின்றது. 
குறிப்பாக பாகிஸ்தானிடம் அந்நிய செலாவணி கையிருப்பு குறைவாக உள்ளதால் வரும் நாட்களில் நெருக்கடி மேலும் அதிகரிக்கும் நிலை உள்ளதாகத் தெரிவிக்கப்பட்டுள்ளது. 

இதனால் சர்வதேச நாணய நிதியத்திடம் பாகிஸ்தான் அரசு கடன்  உதவி வழங்குமாறு கோரி வருகின்றது. 
இந்நிலையில் நிதி பற்றாக்குறையை கட்டுப்படுத்தவும் சர்வதேச நாணய நிதியத்தின் பிணை எடுப்பு பணத்தை பாதுகாக்கவும் பாகிஸ்தான் அரசுக்கு அழுத்தம் கொடுக்கப்பட்டுள்ளதாகத் தெரிவிக்கப்பட்டுள்ளது. 

இந்நிலையில் 2022-ஆம் நிதியாண்டுக்கான வரவு செலவு திட்டத்தை  வெளியிடும் அமைச்சர் இஸ்மாயில் கருத்துத் தெரிவிக்ககையில் நாட்டில் நிலவும் நெருக்கடி காரணமாக  ”பணக்காரர்கள் மீதான வரியை உயர்த்தவும், அரசு அதிகாரிகள் புதிய கார் வாங்கவும்  தடை விதிக்கப்படவுள்ளதாகத் தெரிவித்துள்ளார்.