ஊட்டச்சத்துப் பானத்திற்காக சொகுசு காரை உடைத்த யூ-டியூபர்

ஊட்டச்சத்து பானமொன்றை  பிரபலபடுத்தும் நோக்கில், இலங்கை மதிப்பில் சுமார் 14.6 கோடி  ரூபாய் மதிப்பிலான ‘Lamborghini Urus‘ காரை ரஷ்யாவைச் சேர்ந்த யூ-டியுப்பர் ஒருவர் உடைத்த சம்பவம் அதிர்ச்சியை ஏற்படுத்தியுள்ளது.

மிகேல் லிட்வின்  (Mikhail Litvin)  என்ற 23 வயதான இளைஞரே  ‘Lit Energy ‘ என்ற ஊட்டச்சத்து பானத்தைப்  பிரபலபடுத்த  குறித்த நடவடிக்கையில் ஈடுபட்டுள்ளார்.

அந்தவகையில் கிரேன் மூலம் குறித்  ஊட்டச்சத்து பானம் நிரப்பப்பட்ட மிகப்பெரிய கொள்கலனை மேலே தூக்கி, பின்னர் கார் மீது விழச்செய்து, அதனை வீடியோவாக எடுத்து இணையதளத்தில் பதிவேற்றம் செய்துள்ளார்.

இந்நிலையில் அவரது நடவடிக்கைக்கு பலரும் தமது கண்டனங்களைத் தெரிவித்து வருகின்றனர்.