ஒடிசாவில் 52 பேர் பலி

இந்தியாவின் ஒடிசா மாநிலத்தில் பெய்துவரும் கடும் மழை காரணமாக உயிரிழந்தோரின் எண்ணிக்கை, 52ஆக உயர்வடைந்துள்ளது.

டிட்லி புயல் காரணமாக, கடந்த 11ஆம் திகதி முதல், ஒடிஷாவின் பல பகுதிகளிலும், கடுமையான மழை பெய்துவருவதோடு, அதனால் வெள்ளப்பெருக்கு ஏற்பட்டுள்ளது. தவிர, மண்சரிவு, மரங்கள் முறிந்து விழுதல் ஆகியவற்றால், அம்மாநிலம் பாதிப்படைந்துள்ளது.

உயிரிழப்புகளைத் தவிர, வெள்ளம் காரணமாக, சுமார் 2.2 பில்லியன் இந்திய ரூபாய் அளவுக்குச் சேதம் ஏற்பட்டுள்ளதெனக் கணிக்கப்படுகிறது.