கேன்ஸ் திரைப்பட விழாவில் இரத்தத்தால் பரபரப்பு

கேன்ஸ் திரைப்பட விழாவில் உக்ரேனிய தேசியக் கொடி நிறத்தில் உடையணிந்து வந்த பெண் ஒருவர், உடல் முழுவதும் இரத்தத்தை ஊற்றிக் கொண்ட சம்பவம் பெரும் பரபரப்பை ஏற்படுத்தியுள்ளது.

பிரான்ஸில்  76 ஆவது கேன்ஸ் திரைப்பட விழா நடைபெற்று வருகின்றது. இந்நிலையில் உக்ரேன் மீதான ரஷ்ய படையெடுப்பில் உக்ரேனுக்கு ஆதரவளிக்கும் விதமாக விழாவின்போது உக்ரேனிய தேசியக் கொடி நிறத்தில் உடையணிந்து ரெட் கார்ப்பெட்டில் வந்த பெண் ஒருவர் தனது ஆடைக்குள் மறைத்து வைத்திருந்த இரத்த நிறத்திலான திரவத்தை உடலில் ஊற்ற ஆரம்பித்தார்.

இதனால் அங்கு பரபரப்பு நிலவிய நிலையில், காவலாளிகள் உடனடியாக அப்பெண்ணை வலுக்கட்டாயமாக வெளியேற்றினர்.