ஜேர்மனி ரயிலில் கத்திக் குத்து: மூவர் படுகாயம்

தென் ஜேர்மனியில், கடுகதி ரயில் ஒன்றில் கத்திக் குத்துத் தாக்குதலில் மூவர் படுகாயமடைந்துள்ளனர்.

இந்நிலையில், தாக்குதல் இடம்பெற்ற சிறிது நேரத்தில் தாக்குதலாளி எனக் கூறப்படும் 27 வயதான சிரியரை பொலிஸார் கைது செய்துள்ளனர்.

இந்நிலையில், தாக்குதலுக்கான காரணம் இன்னும் தெளிவில்லாமலுள்ளது.

குறித்த நபர் 2014ஆம் ஆண்டு ஜேர்மனிக்குள் நுழைந்த பின்னர் அகதி அந்தஸ்தைப் பெற்றதாகவும், உளச் சிக்கல்களால் பாதிக்கப்படுவதாக ஜேர்மனிய ஊடகங்கள் செய்தி வெளியிட்டுள்ளன.