தடுப்பூசி செலுத்தாத 800 பேர் பணி இடை நீக்கம்

கொரோனாத்  தடுப்பூசியைச்  செலுத்திக் கொள்ளாத ஊழியர்கள் 800 பேரை எயார் கனடா (Air Canada)நிறுவனம் பணி இடை நீக்கம் செய்துள்ளதாகத் தெரிவிக்கப்பட்டுள்ளது.

உலகளவில் கொரோனாத் தொற்றுப்  பாதிப்பு குறைந்து வரும் நிலையில் பல்வேறு நாடுகளில் விமானப் போக்குவரத்து மீண்டும் வழமைக்குத் திரும்பியுள்ளது.

மேலும், விமான நிலைய  ஊழியர்களும் , பயணிகளும்   கட்டாயம் கொரோனாத் தடுப்பூசியைச்  செலுத்திக் கொள்ள  வேண்டும் எனவும் விமான நிறுவனங்கள் அறிவுறுத்தி வருகின்றன.

இந் நிலையில், கொரோனா தடுப்பூசி போடாத 800க்கும் மேற்பட்ட ஊழியர்களை எயார் கனடா நிறுவனம் அதிரடியாக பணி இடை நீக்கம் செய்துள்ளதாகத் தெரிவிக்கப்பட்டுள்ளது.

அத்துடன் குறித்த ஊழியர்கள் அனைவரும் 2 ஆம் கட்டத் தடுப்பூசியையும் செலுத்திய பின்னரே பணியில் சேர்க்கப்படுவார்கள் என்றும் அந்நிறுவனம் அறிவித்துள்ளமை குறிப்பிடத்தக்கது.