மக்கள் நீதி மய்யத்தின் வேட்பாளர்கள் பெயர் அறிவிப்பு

அரவக்குறிச்சி, சூலூர் உள்ளிட்ட நான்கு சட்டமன்றத் தொகுதிகளில், மக்கள் நீதி மய்யம் கட்சியின் சார்பில் போட்டியிடவுள்ள வேட்பாளர்களின் பெயர்கள் அறிவிக்கப்பட்டுள்ளன.

தமிழக சட்டசபையில், 22 சட்டமன்ற உறுப்பினர்களுக்கான இடங்கள் வெற்றிடமாக இருந்துவருகிறது. 18 சட்டமன்றத் தொகுதிகளுக்கான வாக்குப் பதிவு, கடந்த 18ஆம் திகதி நடைபெற்றிருந்தது.

மீதமுள்ள 4 தொகுதிகளுக்கான வாக்குப் பதிவு, மே மாதம் 19ஆம் திகதி நடைபெறவுள்ளது. இந்த நான்கு தொகுதிகளுக்கான வேட்புமனுத்தாக்கல், இன்றுடன் நிறைவடைகின்றது. இந்த நிலையில், மக்கள் நீதி மய்யம் கட்சியின் சார்பில், 4 தொகுதிகளில் போட்டியிடவுள்ள வேட்பாளர்களின் பெயர்கள் அறிவிக்கப்பட்டுள்ளது.

அதன்படி, திருப்பரங்குன்றம் தொகுதியில் சக்திவேல், சூலூரில் மயில்சாமி, அரவக்குறிச்சியில் மோகன் ராஜ், ஒட்டப்பிடாரத்தில் காந்தி ஆகியோர் போட்டியிடுவதாக மக்கள் நீதி மய்யம் அறிவித்துள்ளது.