ஐசிசி டி20 உலகக் கோப்பை கிரிக்​கெட் தொடரில் வியாழக்கிழமை (12)  கண்​டி​யில் உள்ள பல்​லேகலே மைதானத்​தில் ‘பி’ பிரி​வில் நடை​பெற்ற லீக் ஆட்​டத்​தில் இலங்கை - ஓமன் அணி​கள் மோதின. முதலில் துடுப்பெடுத்தாடிய  இலங்கை அணி 5 விக்​கெட்​கள் இழப்​புக்கு 225 ஓட்டங்களை குவித்​தது.

தொடக்க வீரர்​களான கமில் மிஷாரா 8 ஓட்டங்களில் ஜெய் ஒடெட்ரா பந்​தி​லும், பதும் நிசங்கா 13 ஓட்டங்களில் சூஃப்​யான் மெஹ்மூத் பந்​தி​லும் நடையை கட்​டினர்.

இதையடுத்து விக்​கெட் கீப்​பர் பேட்​ஸ்​மே​னான குஷால் மெண்​டிஸுடன் இணைந்த பவன் ரத்​னாயகே அதிரடி​யாக விளையாடினார். பவன் ரத்​னாயகே தனது முதல் அரை சதத்தை 24 பந்​துகளி​லும், குஷால் மெண்​டிஸ் தனது 19-வது அரை சதத்தை 39 பந்​துகளி​லும் கடந்​தனர்.

50 பந்​துகளில், 94 ஓட்டங்​கள் குவித்த இந்த ஜோடியை சூஃப்யான் மெஹ்மூத் பிரித்​தார். பவன் ரத்​னாயகே 28 பந்துகளில், ஒரு சிக்​ஸர், 8 பவுண்​டரி​களு​டன் 60 ஓட்டங்​கள் எடுத்த நிலை​யில் ஜிதேன் ராமானந்தி பந்​தில் போல்டானார். இதைத் தொடர்ந்து களமிங்​கிய கேப்​டன் தசன் ஷனகா, ஓமன் அணி​யின் பந்​து​வீச்சை வெளுத்து வாங்கி 19 பந்​துகளில், 5 சிக்​ஸர்​கள், 2 பவுண்​டரி​களு​டன் அரை சதம் அடித்​தார்.

இதன் மூலம் சர்​வ​தேச டி 20 அரங்​கில் குறைந்த பந்​துகளில் அரை சதம் அடித்த இலங்கை வீரர் என்ற சாதனையை படைத்​தார் தசன் ஷனகா. இதற்கு முன்​னர் அவர், கடந்த 2023-ம் ஆண்டு இந்​தி​யா​வுக்கு எதி​ராக புனே​வில் நடை​பெற்ற இருதரப்பு டி 20 தொடரின் ஆட்​டத்​தில் 20 பந்துகளில் அரை சதம் அடித்​ததே சாதனை​யாக இருந்​தது. தனது சாதனையை தற்​போது அவரே முறியடித்து புதிய சாதனை படைத்​துள்​ளார்.

ஓமன் அணிக்கு எதி​ராக சாதனை அரை சதம் விளாசிய அடுத்த பந்​திலேயே தசன் ஷனகா ஆட்​ட​மிழந்​தார். 20 பந்துகளை எதிர்​கொண்ட தசன் ஷனகா 5 சிக்​ஸர்​கள, 2 பவுண்​டரி​களு​டன் 50 ஓட்டங்​கள் எடுத்​தார். நிதான​மாக விளை​யாடிய குஷால் மெண்​டிஸ் 45 பந்​துகளில், 7 பவுண்டரி​களு​டன் 61 ஓட்டங்​கள் எடுத்த நிலை​யில் ஓட்டங் அவுட் ஆனார்.

இறு​திக்​ கட்ட ஓவர்​களில் கமிந்து மெண்​டிஸ் 7 பந்​துகளில், 19 ஓட்டங்​களும், துனித் வெல்​லாலகே 4 பந்​துகளில், 6 ஓட்டங்களும் சேர்த்​தனர். ஓமன் அணி தரப்​பில் ஜிதேன் ராமானந்தி 2 விக்​கெட்​கள் வீழ்த்​தி​னார். 226 ஓட்டங்​கள் இலக்​குடன் பேட் செய்த ஓமன் அணி​யால் 20 ஓவர்​களில் 9 விக்​கெட்​கள் இழப்​புக்கு 120 ஓட்டங்​கள் மட்​டுமே எடுக்க முடிந்​தது.  

அதி​கபட்​ச​மாக முகமது நதீம் 56 பந்​துகளில், ஒரு சிக்​ஸர், 3 பவுண்​டரி​களு​டன் 53 ஓட்டங்​கள் சேர்த்​தார். அவருக்கு அடுத்​த​படி​யாக வசீம் அலி 20 பந்​துகளில் 27 ஓட்டங்​கள் எடுத்​தார். மற்ற எந்த பேட்​ஸ்​மேன்​களும் இரட்டை இலக்க ஓட்டங்களைஎட்​ட​வில்​லை. இலங்கை அணி தரப்​பில் தீக்​ச​னா, துஷ்மந்தா ஷமீரா ஆகியோர் தலா 2 விக்​கெட்​களை வீழ்த்தினர். துனித் வெல்​லால​கே, துஷான் ஹேமந்​தா, கமிந்து மெண்​டிஸ் ஆகியோர் தலா ஒரு விக்​கெட் கைப்பற்றினர்.

ஆட்ட நாயக​னாக பவன் ரத்​னாயகே தேர்​வா​னார். 105 ஓட்டங்கள் வித்​தி​யாசத்​தில் வெற்றி பெற்ற இலங்கை அணிக்கு இது 2-வது வெற்​றி​யாக அமைந்​தது. அந்த அணி முதல் ஆட்​டத்​தில் அயர்​லாந்தை வீழ்த்​தி​யிருந்​தது. 2 வெற்றிகளின் மூலம் இலங்கை 4 புள்​ளி​களு​டன் தனது பிரிவில் முதலிடத்​தில் உள்​ளது.

டி20 உலகக் கோப்பை தொடரில் இலங்கை அணிக்கு எதிரான ஆட்​டத்​தில் ஓமன் அணி​யின் முகமது நதீம் அரை சதம் அடித்​தார். இதன் மூலம் டி 20 உலகக் கோப்பை வரலாற்​றில் அதிக வயதில் அரை சதம் அடித்த வீரர் என்ற பெரு​மையை நதீம் பெற்​றார். அவருக்கு 43 வயது 161 நாட்கள் ஆகிறது. இதற்கு முன்​னர் இலங்​கை​யின் சனத் ஜெயசூர்யா (39 வயது 345 நாட்​கள்) கடந்த 2009-ம் ஆண்டு நடை​பெற்ற டி 20 உலகக் கோப்​பை தொடரில்​ அரை சதம்​ அடித்​ததே சாதனை​யாக இருந்​தது.