மைலோ வெற்றிக்கிண்ண கால்பந்தாட்டப் போட்டியில் தேசிய மட்டத்தில் விளையாட மானிப்பாய் இந்துக்கல்லூரி தகுத

(கிரிசன்)

மைலோ வெற்றிக்கிண்ணத்திற்கான கால்பந்தாட்டப் போட்டியில் 19 வயதுப் பிரிவில் மானிப்பாய் இந்துக் கல்லூரி தேசிய மட்டத்தில் விளையாட தகுதி பெற்றுள்ளது.

நேற்றுமுன்தினம் செவ்வாய்க்கிழமை இளவாலை சென். ஹென்றீஸ் கல்லூரிக்கும் மானிப்பாய் இந்துக் கல்லூரிக்கும் இடையே மானிப்பாய் இந்துக் கல்லூரி மைதானத்தில்  நடைபெற்ற போட்டியில் வெற்றி பெற்றதைத் தொடர்ந்து மானிப்பாய் இந்துக் கல்லூரி தேசிய மட்டப் போட்டியில் விளையாடவுள்ளது.

போட்டி ஆரம்பமாகி முடிவடையும் வரை இரு அணிகளும் சளைக்காது மோதிக்கொண்டன.   இந்நிலையில் போட்டி சுறுசுறுப்பாகவும் வேகமாகவும் இரு அணிகளும் மோதிக்கொண்ட நிலையில் முதல் பாதி ஆட்டம் நிறைவுபெற்றது. இரண்டாம் பாதி ஆட்டம் இரு அணிகளுக்கும் மிகவும் முக்கியமானது என்பதை உணர்ந்து இரு அணிகளும் புதுவேகத்துடன் களமிறங்கி மோதிக்கொண்டன. இரண்டாம்பாதி ஆட்டத்தில் மானிப்பாய் இந்துக் கல்லூரி வெற்றியீட்டியது.