யாழ்ப்பாணம் மத்திய கல்லூரி அணி வெற்றி

Kanagaraj / 2014 ஜூன் 26 , மு.ப. 08:15 - 0 - {{hitsCtrl.values.hits}}

-நா.நவரத்தினராசா

இலங்கை பாடசாலைகள் துடுப்பாட்ட சங்கத்தினால், யாழ். மாவட்டப் பாடசாலைகளின் 17 வயதுத் துடுப்பாட்ட அணிகளுக்கிடையில் நடத்தப்பட்டு வரும் துடுப்பாட்டப் போட்டியில் யாழ். மத்திய கல்லூரி அணி 116 ஓட்டங்களால் வெற்றிபெற்றது.

மேற்படி சுற்றுப்போட்டியானது 50 பந்துபரிமாற்றங்கள் கொண்ட துடுப்பாட்டப் போட்டியாக நடைபெற்று வருகின்றது.
யாழ்ப்பாணம் மத்திய கல்லூரி மைதானத்தில் திங்கட்கிழமை (24) இடம்பெற்ற இந்தப் போட்டியில் சென்ஜோன்ஸ் கல்லூரி பி அணியும் யாழ்ப்பாணம் மத்திய கல்லூரியும் மோதின.

நாணயச் சுழற்சியில் வென்று முதலில் துடுப்பெடுத்தாடிய யாழ். மத்திய கல்லூரி 50 பந்துபரிமாற்றங்கள் நிறைவில் 08 விக்கெட்டுக்களை இழந்து 241 ஓட்டங்களை பெற்றது.

துடுப்பாட்டத்தில் என்.திரேசன் 79, எஸ்.அலன்ராஜ்; 72 கே.கார்த்தீபன் 28 ஓட்டங்களைப் பெற்றுக்கொடுத்தனர்.
பந்துவீச்சில் சென்.ஜோன்ஸ் அணி சார்பாக ஏ.தேவகுமாரன், என்.டினோசன் ஆகியோர் தலா 2 இலக்குகளைக் கைப்பற்றினார்கள்.

242 ஓட்டங்களை வெற்றியிலக்காகக் கொண்டு பதிலுக்கு துடுப்பெடுத்தாடிய சென்.ஜோன்ஸ் கல்லூரி 34.3 ஓவர்களில் அனைத்து இலக்குகளையும் இழந்து 125 ஓட்டங்களை மாத்திரம் பெற்றது. துடுப்பாட்டத்தில் என்.டினோசன் 35, ஓட்டங்களைப் பெற்றுக்கொடுத்தார்.

பந்துவீச்சில் யாழ்ப்பாணம் மத்திய கல்லூரி அணி சார்பாக, கே.கார்த்தீபன், எம்.கௌதமன் தலா 4 இலக்குகளை கைப்பற்றினார்கள்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .