சென்.அன்ரனீஸ், சென்.மேரிஷ் அணிகள் வெற்றி

-குணசேகரன் சுரேன்

நெடியகாடு இளைஞர் விளையாட்டுக்கழகம் யாழ்.மாவட்ட ரீதியில் நடத்திவரும் கால்ப்பந்தாட்டச் சுற்றுப்போட்டியில் நாவாந்துறை சென்.மேரிஷ் மற்றும் பாஷையூர் சென்.அன்ரனீஸ் அணிகள் வெற்றிபெற்றன.

நெடியகாடு விளையாட்டுக்கழக மைதானத்தில் இந்த கால்ப்பந்தாட்டச் சுற்றுப்போட்டி நடைபெறுகிறது.

கடந்த 17 ஆம் திகதி நடைபெற்ற போட்டியில் நாவாந்துறை சென்.மேரிஷ் அணியை எதிர்த்து கரவைச்சுடர் விளையாட்டுக்கழகம் மோதியது.

இதில் சென்.மேரிஷ் அணி 2:1 என்ற கோல் கணக்கில் வெற்றிபெற்றது. அருள்தாஸ் நிதர்சன், அன்ரனி அன்ரன் சாள்ஸ் ஆகியோர் தலா ஒருகோல்களை சென்.மேரிஷ் அணிக்காக பெற்றுக்கொடுத்தனர். கரவைச்சுடர் அணி சார்பாக என்.விக்னேஸ்வரன் கோலை, பெற்றுக்கொடுத்தார்.

இரண்டாவது போட்டியில் பாஷையூர் சென்.அன்ரனீஸ் அணியை எதிர்த்து கொற்றாவத்தை அன்பாலயம் அணி மோதியது.
அபாரமாக ஆடிய சென்.அன்ரனீஸ் அணி 7:0 என்ற கோல் கணக்கில் வெற்றிபெற்றது. யூ.கலிஸ்டன் 5 கோல்களையும் என்.மதுசன், எம்.பெனான்சியஸ் ஆகியோர் தலா ஒவ்வொரு கோல்களையும் பெற்றுக்கொடுத்தனர்.