சுப்பர் 8 சுற்றுக்கு சென்.மேரிஸ் தகுதி

-குணசேகரன் சுரேன் 

வல்வை நெடியகாடு இளைஞர் விளையாட்டுக்கழகம், யாழ். மாவட்ட ரீதியில் நடத்தும் 'யாழ்ப்பாணம் சலன்ஜர்ஸ் கிண்ண கால்பந்தாட்ட சுற்றுப்போட்டியில் நாவாந்துறை சென்.மேரிஸ் அணி சுப்பர் - 8 சுற்றுக்குத் தெரிவாகியுள்ளது.

ஞாயிற்றுக்கிழமை(08) நடைபெற்ற சுப்பர் 8 சுற்றுக்கான தகுதிகாண் போட்டியொன்றில் வல்வை விளையாட்டுக்கழகத்தை எதிர்த்து சென்.மேரிஸ் விளையாட்டுக்கழகம் மோதியது. இதில் சென்.மேரிஸ் அணி 1:0 என்ற கோல் கணக்கில் வெற்றிபெற்றது. 

முன்னதாக, இரண்டாம் சுற்றுக்கான இரண்டு போட்டிகள் கடந்த சனிக்கிழமை (07) நடைபெற்றன. முதற்போட்டியில் மனோகரா விளையாட்டு கழகத்தை எதிர்த்து பலாலி விண்மீன் அணி மோதியது. இதில் விண்மீன் அணி 2:1 என்ற கோல் கணக்கில்  வெற்றிபெற்றது.

இரண்டாவது போட்டியில் சண்டில் நக்கீரன் விளையாட்டு கழகத்தை எதிர்த்து  கொற்றாவத்தை கலைமதி விளையாட்டுக்கழக அணி மோதியது. இதில் கலைமதி அணி 9:0 என்ற கோல் கணக்கில் அபார வெற்றியீட்டியது.