யாழ். இந்து - கொழும்பு ஆனந்தா கல்லூரி கிரிக்கெட் போட்டி ஆரம்பம்

-நா.நவரத்தினராசா

சிவகுருநாதன் வெற்றிக் கிண்ணத்துக்காக யாழ்ப்பாணம் இந்துக் கல்லூரிக்கும் கொழும்பு ஆனந்தா கல்லூரிக்கும் இடையில் 4ஆவது ஆண்டாக நடைபெறும் கிரிக்கெட் போட்டி வெள்ளிக்கிழமை (24) யாழ்ப்பாணம் இந்துக் கல்லூரி மைதானத்தில் ஆரம்பமாகியது.

2 நாட்கள் கொண்ட மட்டுப்படுத்தப்படாத ஓவர்கள் கொண்ட போட்டியாக இந்தப் போட்டி நடைபெறுகின்றது. நாணயச் சுழற்சியில் வெற்றிபெற்ற ஆனந்தாக் கல்லூரி அணி முதலில் களத்தடுப்பில் ஈடுபடுகின்றது. அதற்கிணங்க யாழ்ப்பாணம் இந்துக் கல்லூரி அணி துடுப்பெடுத்தாடுகின்றது.

இதுவரையில் நடைபெற்ற 3 போட்டிகளில் ஆனந்தா கல்லூரி அணி 2 போட்டிகளிலும் யாழ்ப்பாணம் இந்துக் கல்லூரி அணி 1 போட்டியிலும் வெற்றிபெற்றுள்ளன.