உடுவில் மகளிர் கல்லூரி அணி சம்பியன்

-நா.நவரத்தினராசா

வலிகாமம் கல்வி வலயப் பாடசாலைகளின் 19 வயதுப்பிரிவுக்குட்பட்ட, பெண்கள் கூடைப்பந்தாட்ட அணிகளுக்கிடையிலான கூடைப்பந்தாட்டச சுற்றுப்போட்டியின் இறுதிப்போட்டியில் உடுவில் மகளிர் கல்லூரி அணி சம்பியனாக தெரிவு செய்யப்பட்டுள்ளது.

மருதனார்மடம் இராமநாதன் கல்லூரி கூடைப்பந்தாட்ட திடலில் திங்கட்கிழமை (04) நடைபெற்ற இறுதிப்போட்;டியில் உடுவில் மகளிர் கல்லூரி அணியை எதிர்த்து இராமநாதன் மகளிர் கல்லூரி அணி மோதியது.

போட்டி நேரத்தில் இரு அணிகளும் மாறிமாறிப் புள்ளிகள் பெற்றமையால் வெற்றியாளர் யார் என்பது தொடர்பில்இறுதிநேரம் வரையும் காத்திருக்க வேண்டியிருந்தது. 

இறுதி நிமிடங்களை தங்கள் வசம் வைத்திருந்த உடுவில் மகளிர் கல்லூரி அணி 27:26 என்ற புள்ளிகள் அடிப்படையில் போராடி வெற்றிபெற்றது.