குத்துச்சண்டையில் பிரகாசித்த சென். பற்றிக்ஸ்

- எஸ். தில்லைநாதன்

வடக்கு மாகாண பாடசாலைகளுக்கு இடையிலான குத்துச் சண்டைப் போட்டியில் சென். பற்றிக்ஸ் கல்லூரி 2 தங்கம், 2 வெண்கலப் பதக்கங்களை கைப்பற்றியது.

முல்லைத்தீவு வித்தியானந்த  கல்லூரியில் திங்கட்கிழமை (11) நடைபெற்ற போட்டியில் 16 வயது பிரிவின் 44 கிலோ கிராம் தொடக்கம் 46 கிலோ கிராம் வரையான எடைப் பிரிவில் ரு. சுலக்சன், 20 வயதுப் பிரிவின் 46 கிலோ கிராம் தொடக்கம் 49 கிலோ கிராம் வரையான எடைப் பிரிவில் ரா. விசாலகன் ஆகியோர் முதலிடங்களைப் பெற்று தங்கப் பதக்கங்களை வென்றனர்.

இதேபோன்று, 20 வயதுப் பிரிவின் 46 கிலோ கிராம் தொடக்கம் 49 கிலோ கிராம் வரையான எடைப் பிரிவில் உ. அநெக்ஸ் மூன்றாமிடத்தையும்  20 வயதுப் பிரிவின் 56 கிலோ கிராம் தொடக்கம் - 60 கிலோ கிராம் வரையான எடைப் பிரிவில் ஆர். றொசினோ மூன்றாமிடத்தையும் பெற்று வெண்கலப் பதக்கங்களை வென்றனர்.