சம்பியனான மிஜ்வாத்

- எம்.எஸ்.எம். ஸாகிர்

அகில இலங்கை பாடசாலைகளுக்கிடையிலான 17 வயதுக்குட்பட்டோருக்கான ஆண்களுக்கான சதுரங்கப் போட்டியில் கல்முனை சாஹிரா தேசிய பாடசாலையின் ஏ.எஸ்.ஏ. மிஜ்வாத் சம்பியனானார்.

மாலபே ராகுல பெண்கள் பாடசாலையில் சனிக்கிழமை (12) முதல் திங்கட்கிழமை (14) வரை நடைபெற்ற இப்போட்டியில் மிஜ்வாத் முதலாமவராக விளையாடி தான் கலந்து கொண்ட ஆறு போட்டிகளில் 5.5 புள்ளிகளைப் பெற்று (5 வெற்றிகள், 1 சமநிலை) சம்பியனாகியுள்ளார்.

இப்போட்டியில் வெற்றி பெற்ற மற்றும் கலந்து கொண்ட மாணவர்களுக்கும், அவர்களுக்குப் பயிற்சியளித்து தயார்படுத்தி அழைத்துச் சென்ற கல்லூரியின் சதுரங்கப் பயிற்றுவிப்பாளர் எஸ்.எம்.சுஹ்தான் மற்றும் கல்லூரியின் சதுரங்க பொறுப்பாசிரியர் எம்.வை.எம். றகீப் ஆகியோருக்கும் அதிபர் எம்.ஐ. ஜாபிர் பாராட்டுக்களையும் வாழ்த்துக்களையும் தெரிவித்துள்ளார்.