பூப்பந்தாட்டத்தில் வலிகாமம் உடுவில் மகளிர் கல்லூரி சம்பியனானது

பு.கஜிந்தன்

வலய மட்டத்திலான பெருவிளையாட்டுப் போட்டிகளில் உடுவில் மகளிர் கல்லூரியானது பூப்பந்தாட்டத் துறையில் இரண்டு முக்கிய வெற்றிகளைச் சுவீகரித்துள்ளது.

அந்த வகையில், 18 வயதுக்குட்பட்டோருக்கான பூப்பந்தாட்டப் போட்டியில் முதலாமிடத்தைப் பெற்றுச் சம்பியனாகத் தெரிவானதுடன், 16 வயதுக்குட்பட்டோருக்கான போட்டியில் இரண்டாமிடத்தையும் பெற்றுக்கொண்டது. இந்த வெற்றிகளின் மூலம் உடுவில் மகளிர் கல்லூரி அணிகள் மாகாண மட்டப் போட்டிகளில் விளையாடுவதற்கான தகுதியைப் பெற்றுள்ளன.

வெற்றி பெற்ற மாணவிகளுக்கும், அவர்களைச் சிறப்பாகப் பயிற்றுவித்த பயிற்றுவிப்பாளர்களுக்கும் பாடசாலைச் சமூகம் மற்றும் விளையாட்டு ஆர்வலர்கள் எனப் பல்வேறு தரப்பினரும் தமது பாராட்டுக்களைத் தெரிவித்து வருகின்றனர்.