விசா இன்றி இருந்த வெளிநாட்டவர் கைது

விசா இன்றி நாட்டில் தங்கியிருந்த நைஜீரியப் பிரஜையொருவர், படோவிட்ட பகுதியில் வைத்து கைதுசெய்யப்பட்டுள்ளார் என, கல்கிஸை பொலிஸார் தெரிவித்தனர்.

32 வயதுடைய நைஜீரியப் பிரஜையே இவ்வாறு கைதுசெய்யப்பட்டுள்ளார். 

குறித்த நபர், பொரலஸ்கமுவ- பெல்லன்வில பகுதியில் தற்காலிகமாக வசித்து வந்துள்ளார் என, விசாரணைகளில் தெரியவந்துள்ளது.

அத்துடன், இவரை இன்று நீதிமன்றில் ஆஜர்படுத்த பொலிஸார் நடவடிக்கை எடுத்துள்ளனர்.