’ஹேஷ்’ போதைப்பொருளுடன் சிப்பாய் கைது

விடுமுறையில் தனது வீட்டிற்கு வந்திருந்த இராணுவ சிப்பாய் ஒருவர், 250 மில்லி கிராம் ' ஹேஷ் ' போதைப்பொருளை வைத்திருந்த குற்றச்சாட்டில் கற்பிட்டி பொலிஸாரால் கைது செய்யப்பட்டுள்ளார்.

பொலிஸாருக்குக் கிடைத்த இரகசியத் தகவலையடுத்து, சந்தேகநபரான சிப்பாயின் வீட்டைச் சோதனையிட்ட போதே அவர் கைது செய்யப்பட்டுள்ளார்.

26 வயதுடைய பயிற்சி சிப்பாய் ஒருவரே இவ்வாறு கைது செய்யப்பட்டுள்ளதுடன் சம்பவம் தொடர்பாக கற்பிட்டி பொலிஸார் மேலதிக விசாரணைகளை முன்னெடுத்து வருகின்றனர்.