'சுடுகாட்டு ரோஜா' கவிதை நூல் வெளியீடு

(ஜவீந்திரா)
 
சொற் சிற்பி இ.சபாவின் 'சுடுகாட்டு ரோஜா' கவிதை நூல் வெளியீட்டு நிகழ்வு நேற்று சனிக்கிழமை மட்/ செட்டிபாளையம் மகாவித்தியாலய கேட்போர் கூடத்தில் நடைபெற்றது.

செட்டிபாளையம் லட்சியம் வெளியீட்டகத்தின் ஏற்பாட்டில்  ஆலேசகர் சி.நிதிக்குமார் தலைமையில் நடைபெற்ற இந்நிகழ்வில் மட்டக்களப்பு மாவட்ட உதவி அரசாங்க அதிபர் எஸ்.தர்மகுணசேகரம், மட்/செட்டிபாளையம் மகாவித்தியாலய அதிபர் அருள்ராசா, மற்றும் இலக்கியவாதிகள் பொதுமக்கள் கவியார்வலர்கள் எனப் பலரும் கலந்து கொண்டனர்.

இக் கவிதை நூலின் ஆய்வுரையை பிரதி அதிபர் பி.இரவீந்திரன் நிகழ்தினார். சொற்சிற்பி இ.சபாவின் இரண்டாவது வெளியீட்டு நூல் இதுவென்பது குறிப்பிடத்தக்கது.