காத்திருப்பு

ஈரைந்து வருடங்களாய்

என் அண்ணனின் வரவினை

எதிர்பார்த்தபடி என் குடும்பம்

கதறித்துடிக்கிறதே இறைவா!

காணாமல் ஆக்கப்பட்டானா?

கல்லறைக்குள் புதைக்கப்பட்டானா?

சிறைக்குள் தவிக்கின்றானா?

சிதைந்து சின்னாப்பின்னமாகினானா?

உறுதியாய் ஏதும் முடியவி​ல்லை!

உண்மையான தகவல் ஏதும்,

இன்றுவரை கிடைக்கவி​ல்லை!

போதும் இறைவா நீ தந்த வேதனை!

தயவு செய்து ஒருமுறையேனும் என்,

அண்ணனின் மதிவதனம் தனைக்

காணுகின்ற வாய்ப்பை கொடு இறைவா!

அப்போது தான் என் குடும்பம்,

சிரிக்கும் ஒலி கேட்கும்!