ஒரே நாளில் 833 பேருக்குக் கொரோனா, 15 பேர் மரணம்

வி.ரி.சகாதேவராஜா

கிழக்கு மாகாணத்தில் கடந்த 24 மணிநேரத்தில் 833 பேருக்குக்  தொற்று இனங்காணப்பட்டுள்ளதாகவும், 15 பேர் இத் தொற்றினால் உயிரிழந்துள்ளனர் எனவும்  கிழக்கு மாகாண சுகாதார சேவைகள் பணிப்பாளர் டாக்டர் ஏ.ஆர்.எம்.தௌபீக் தெரிவித்தார்.

இது குறித்து அவர் மேலும் தெரிவிக்கையில் ” கிழக்கில் கொரோனாப் பரவல் தீவிரமடைந்துள்ள இடங்களாக அம்பாறை(179), மட்டக்களப்பு(111) ,உஹன(61), தெஹியத்தகண்டிய (55), செங்கலடி(43) பதியத்தலாவை(36), களுவாஞ்சிக்குடி(35)  ஆகிய இடங்கள் அடையாளப்படுத்தப்பட்டுள்ளன" என்றார்.