சமுர்த்தி சிப்தொர கல்விப் புலமைப் பரிசில்

எம்.எஸ்.எம். ஹனீபா

சமுர்த்தி  அபிவிருத்தி  திணைக்களத்தினால்  நடைமுறைப்படுத்தப்படும்  சமூகப்  பாதுகாப்பு நிதியத்தின்  ஊடாக  அக்கரைப்பற்று  பிரதேச  செயலகத்திற்குட்பட்ட  சமுர்த்தி நலன்  பெறும் பயனாளிகளின்  கா.பொ.த  உயர்  தரம்  கற்க  தகுதி  பெற்ற  மாணவர்களுக்கு  'சமுர்த்தி  சிப்தொர கல்விப்  புலமைப் பரிசில் ' வழங்கும்  வைபவம்  புதன்கிழமை  (21)  பிரதேச செயலகத்தில் நடைபெற்றது.

அக்கரைப்பற்று  பிரதேச  செயலக  சமுர்த்தி  தலைமைப் பீட  முகாமையாளர்  எம்.ஜே.எம். நிஹ்மத்துல்லா  தலைமையில்  நடைபெற்ற  வைபவத்தில்  அக்கரைப்பற்று  பிரதேச  செயலாளர்  ரி.எம்.எம்.அன்சார் பிரமத  அதிதியாக  கலந்து  கொண்டு  தெரிவு  செய்யப்பட்ட  மாணவர்களுக்கு  சிப்தொர  புலமைப்பரிசில்  கொடுப்பனவை வழங்கி வைத்தார்.