​போதைக்கு அடிமையான மாணவனுக்கு விளக்கமறியல்

போதை​பொருளுக்கு அடிமையான, கல்விப் பொதுத் தராதர பத்திர உயர்தரத்தில் கல்வி கற்கும் மாணவன் மற்றும் அவரது  நண்பனான 27 வயதுடைய இளைஞன் ஆகியோரை, டிசெம்பர் 5ஆம் திகதிவரை விளக்கமறியலில் வைக்குமாறு  எம்பிலிபிட்டிய மேலதிக நீதவான் பிரசன்ன பெர்ணான்டோ, இன்று  உத்தரவிட்டுள்ளார்.

கைதுசெய்யப்பட்ட சந்தேகநபர்களிடம் இருந்து 2 கிராம் 400 மில்லிகிராம் போதை பொருள் மீட்கப்பட்டிருந்ததாக பொலிஸார் தெரிவிக்கின்றனர்.

மாணவன் போதை​ பொருளுக்கு அடிமையான நிலையில், அவருக்கு இளைஞன் போதை​பொருள் விநியோகித்து வந்ததாகவும் பொலிஸார், நீதிமன்றத்தில் தெரிவித்துள்ளனர்.

இந்த மாணவனுடன் தொடர்புடைய ஏனைய மாணவர்கள் மற்றும் ஏனைய நபர்கள் தொடர்பில் ​பொலிஸார் விசாரணைகளை ஆரம்பித்துள்ளனர்.