1,500 ரூபாய் இலஞ்சம் பெற்ற சார்ஜென்ட் கைது

1,500 ரூபாயை இலஞ்சமாகப் பெற்றார் என்ற குற்றச்சாட்டின் பேரில், பொரலஸ்கமுவ பொலிஸ் நிலையத்தில் சார்ஜென்ட்டாகவும் பொலிஸ் போக்குவரத்து பிரிவின் பொறுப்பதிகாரியாகவும் கடமையாற்றுபவர், இலஞ்ச ஊழல் ஒழிப்பு ஆணைக்குழுவின் அதிகாரிகளினால் கைது செய்யப்பட்டுள்ளார்.

காலாவதியான அனுமதிப்பத்திரத்துடன் லொறியொன்றில் மணலை ஏற்றிச் செல்வதற்கு, சட்டநடவடிக்கை எடுக்காமல் இருப்பதற்காக இந்த இலஞ்சம் கோரப்பட்டுள்ளதாக, ஆணைக்குழுவின் அதிகாரியொருவர் தெரிவித்துள்ளார்.

குறித்த பொலிஸ் அதிகாரியால், 5,000 ரூபாய் இலஞ்சம் கோரப்பட்டுள்ளதாகவும் அந்தத் தொகையில் 1,500 ரூபாயை பெறும் போதே இவர் கைது செய்யப்பட்டுள்ளதாகவும் தெரிவிக்கப்படுகின்றது.