14 ஆம் திகதிக்கு முன்னர் அமைச்சரவை பூர்த்தி செய்யப்படும்

நாடாளுமன்றம் கூட்டப்படவுள்ளதாக வர்த்தமானியில் அறிவிக்கப்பட்டுள்ள 14ஆம் திகதிக்கு முன்னர் அமைச்சரவையில் வழங்கப்படாமலிருக்கும் அமைச்சுப் பதவிகள் வழங்கப்பட்டு நிறைவு செய்யப்படுமென, அமைச்சரவையின் பேச்சாளர் மஹிந்த சமரசிங்க தெரிவித்தார்.

அரசாங்க தகவல் திணைக்களத்தில் இன்று (7) இடம்பெற்ற அமைச்சரவை முடிவுகளை அறிவிக்கும் வாராந்த ஊடகவியலாளர் சந்திப்பில் கலந்துக்கொண்டப் போதே அவர் இதனைத் தெரிவித்தார்.

நாட்டில் இன்று சிக்கல் நிலையொன்று ஏற்பட்டுள்ளது. இந்த சிக்கல் நிலைக்கு உத்தயோகப்பூர்வமாகவோ, உத்தியோகப்பூர்வமற்ற நிலையிலோ புதிய அரசாங்கத்தின் அமைச்சர்கள் பொறுப்புக் கூற வேண்டியுள்ளது.  இந்த நிலையின் கீழ்  13 பிரதான அமைச்சுக்களுக்கான அமைச்சர்கள் நியமிக்க முடியாமல் உள்ளது. எனத் தெரிவித்து ஊடகவியலாளர் ஒருவர் இதன்போது எழுப்பிய கேள்விக்கு பதிலளிக்கும் போதே ​அமைச்சர் மேற்கண்டவாறு தெரிவித்தார்.