ஒருவர் கொலை: வர்த்தகருக்கு இரண்டு வருட கடூழிய சிறை

மதுபோதையில் வேகமாக காரை செலுத்தி ஒருவரை கொலை செய்த சம்பவத்துடன் தொடர்புடைய 28 வயதான வர்த்தகருக்கு கொழும்பு மேல்நீதிமன்ற நீதிபதி லலித் ஜயசூரிய, இரண்டுவருட கடூழிய சிறைதண்டனை வழங்கி தீர்ப்பளித்துள்ளார்.

அத்துடன் குறித்த நபர் 3 இலட்ச ரூபாய் நட்டஈடு வழங்கவேண்டுமெனவும் நீதவான் உத்தரவிட்டார்.

கடந்த 2009ஆம் ஆண்டு ஏப்ரல் 4ஆம் திகதி கிரிபத்கொடை, சபுகஸ்கந்த வீதியிலேயே இச்சம்பவம் இடம்பெற்றுள்ளது.

குறித்த வர்தகர், மதுபோதையில் வேகமாக காரை செலுத்தி சென்;று சைக்கிளில் பயணித்த மூவர் மீது மோதியதில்  அவர்கள் படுகாயமடைந்துள்ளனர்.

அவ்வீதியால் பயணித்த இன்னொருவர் மீது மோதியதில் அவர் உயிரிழந்துள்ளார். இந்த வழக்கில் குற்றவாளியாக இனங்காணப்பட்ட வர்த்தகருக்கே நீதவான் மேற்கண்டவாறு தீர்ப்பளித்தார்.