அதிவேக நெடுஞ்சாலைகளில் வாகனங்களின் எண்ணிக்கை அதிகரிக்கும்

எதிர்வரும் பண்டிகைக் காலத்தை முன்னிட்டு, அதிவேக நெடுஞ்சாலைகளில் பயணிக்கும் வாகனங்களின் எண்ணிக்கை அதிகரிக்கும் என எதிர்பார்க்கப்படுவதாக, நெடுஞ்சாலைகள் பராமரிப்பு மற்றும் முகாமைத்துவ பிரிவின் பணிப்பாளர் எஸ். ஓப்பநாயக்க தெரிவித்துள்ளார்.

தற்போது நாளொன்றுக்கு 70,000 வாகனங்கள் வரை நெடுஞ்சாலைகளில் பயணிப்பதாகவும் அவர் தெரிவித்தார்.

எனவே பண்டிகைக் காலங்களில் இதன் எண்ணிக்கை 1,20000 வரை அதிகரிக்கும் என்றும் நெடுஞ்சாலைகள் பராமரிப்பு மற்றும் முகாமைத்துவ பிரிவின் பணிப்பாளர் எஸ். ஓப்பநாயக்க சுட்டிக்காட்டியுள்ளார்.