‘அமைச்சுப் பதவிகளிலிருந்து விலகுவதால் தீர்வு கிடைக்காது’

அமைச்சுப் பதவிகளிலிருந்தோ, ஆளுநர் பதவியிலிருந்தோ விலகினால் மாத்திரம் பிரச்சினைகளுக்குத் தீர்வு கிடைத்து விடாது. எனவே பயங்கரவாதிகளுக்கு உதவி ​செய்தவர்கள் கைதுசெய்யப்பட வேண்டும் என்றும் நாடாளுமன்ற உறுப்பினர் எஸ்.பி. திசாநாயக்க தெரிவித்துள்ளார்.

முன்னாள் அமைச்சர் ரிஷாட் பதியூதினுக்கு எதிராக நாடாளுமன்றத்தில் முன்வைக்கப்பட்டுள்ள, நம்பிக்கையில்லாப் பிரேரணைத் தொடர்பில், கட்சித் தலைவர்களுடன் கலந்துரையாடி தீர்மானம் எடுக்கவுள்ளதாகவும் அவர் தெரிவித்துள்ளார்.

அத்துடன் ரிஷாட் இப்போது அமைச்சுப் பதவியிலிருந்து விலகியுள்ளதால், அவருக்கு எதிரான நம்பிக்கையில்லாப் பிரேரணையை விவாதத்துக்கு எடுக்க வேண்டிய அவசியம் இல்லை என்றும் தெரிவித்துள்ளார்.