‘ஆணைக்குழுவை அ​மைக்க ஜனாதிபதி இணக்கம்’

கடந்த 4 வருடங்களாக சுகாதார அமைச்சுக்குள் இடம்பெற்ற மோசடிகள் தொடர்பில் விசாரணை செய்ய ஜனாதிபதி ஆணைக்குழுவொன்றை அமைப்பதற்கு ஜனாதிபதி மைத்திரிபால சிறிசேன இணக்கம் தெரிவித்துள்ளாரென, அரச வைத்திய அதிகாரிகள் சங்கம் தெரிவித்துள்ளது.

அரச வைத்திய அதிகாரிகள் சங்கத்துடன் ஜனாதிபதி நேற்று இரவு முன்னெடுத்து கலந்துரையாடலிலேயே ஜனாதிபதி இது குறித்து அறிவித்துள்ளதாகவும் அரச வைத்திய அதிகாரிகள் சங்கத்தினர் தெரிவித்துள்ளனர்.

நேற்று (12) இரவு 7 மணிக்கு ஆரம்பமான இந்தக் கலந்துரையாடல் ஒரு மணித்தியாலம் இடம்பெற்றதாக அரச வைத்திய அதிகாரிகள் சங்கத்தின் செயலாளர் வைத்தியர் ஹரித அளுத்கே தெரிவித்துள்ளார்.