இடையூறு விளைவித்தால் கடும் சட்ட நடவடிக்கை

அரச ஊழியர்களின் கடமைகளுக்கு இடையூறு விளைவிப்போருக்கு எதிராக கடும் சட்ட நடவடிக்கை எடுக்கப்படுமென, பொலிஸ் தலைமையகம் தெரிவித்துள்ளது.

கொரோனா வைரஸ் நாட்டில் பரவுவதை தடுக்கும் நோக்கில் அரச துறையினர் பாரிய அர்ப்பணிப்புடன் சேவைகளை ஆற்றி வருகின்றனர். 
இந்நிலையில் அவர்களின் கடமைகள் குறித்து குறைகூறி இடையூறு விளைவித்தல், அச்சுறுத்தல் விடுத்தல், தவறான செய்திகளை சமூக வலைத்தளங்களில் பதிவேற்றுதல் ஆகிய செயற்பாடுகள் குறித்து தகவல் கிடைத்துள்ளதாக, பொலிஸ் தலைமையகம் தெரிவித்துள்ளது.

இவ்வாறான செயற்பாடுகளில் ஈடுபடுவோருக்கு எதிராக கடும் சட்ட நடவடிக்கை எடுக்கப்படும் என்பதுடன், அவர்களை  கைதுசெய்து நீதிமன்றில் ஆஜர்படுத்தமாறு, சகல பொலிஸ் நிலையப் பொறுப்பதிகாரிகளுக்கும் பதில் பொலிஸ்மா அதிபர் உத்தரவிட்டுள்ளார்.