இரணைமடு குளத்தில் நீக்கப்பட்ட நினைவுக்கல் மீண்டும் அதே இடத்தில்

இரணைமடு குளம் அபிவிருத்தி செய்யப்பட்ட போது, அங்கிருந்து நீக்கப்பட்ட டீ.எஸ்.சேனநாயக்க மற்றும் டட்லி சேனநாயக்க ஆகியோரின் பெயர்கள் பொறிக்கப்பட்ட நினைவுக் கல்லை, 24 மணிநேரத்துக்குள் மீண்டும் அவ்விடத்தில் வைக்குமாறு, ஜனாதிபதி மைத்திரிபால  சிறிசேனஆலோசனை வழங்கியுள்ளாரென, கிழக்கு மாகாண அரசாங்க அதிபர் அலுவலகம் தெரிவித்துள்ளது.

ஜனாதிபதி வழங்கிய ஆலோசனைக்கமைய, வட மாகாண ஆளுநர் ரெஜினோல்ட் குரே, ஆளுநரின் பிரத்தியேக செயலாளர் உள்ளிட்ட மேலும் அதிகாரிகள் சிலர் குறித்த இடத்துக்கு சென்று இவ்விடயம் தொடர்பில் ஆராய்ந்தனர்.

இதற்கமைய, குறித்த இடத்தில் மீண்டும் சேனநாயக்கர்களின் பெயர்கள் பொறிக்கப்பட்ட கல்லை நிறுவும் செயற்பாடுகளை, ஒப்பந்தக்காரர்கள் மேற்கொண்டு வருகின்றனர்.