’இரண்டு நாட்களில் கட்டுப்பாட்டுக்குள் வரும்’

தற்போது நாடளாவிய ரீதியில் ஏற்பட்டுள்ள சமையல் எரிவாயு தட்டுப்பாட்டை இன்னும் இரண்டு நாட்களில் கட்டுப்பாட்டுக்கள் கொண்டுவர எதிர்பார்த்துள்ளதாக சமயல் எரிவாயு நிறுவனங்கள் தெரிவித்துள்ளன.

உலக சந்தையில் சமையல் எரிவாயு உற்பத்தி குறைவடைந்தமையினால் உள்நாட்டு சந்தையில் சமையல் எரிவாயு தட்டுப்பாடு ஏற்பட்டுள்ளது.

சவுதி அரேபியாவில் எரிவாயு மற்றும் மசகு எண்ணை உற்பத்தியை  இலக்கு வைத்து அண்மையில் மேற்கொள்ளப்பட்ட குண்டு தாக்குதல்களால் உலக சந்தையில் எரிவாயுவின் உற்பத்தி 35 சதவீதமாக வீழ்ச்சியடைந்தமை குறிப்பிடத்தக்கது.