இரண்டு மாணவர்கள் நீரில் மூழ்கி காணாமல் போயுள்ளனர்

கிரிந்திவெல பொலிஸ் பிரிவிக்குட்பட்ட ரன்வல பாலத்துக்கு அருகில்,  களனி ஆற்றில் நீராடச் சென்ற இரண்டு  மாணவர்கள்  நீரில் மூழ்கி காணாமல் போயுள்ளனர்.

வெலிவேரிய பிரதேசத்திலுள்ள பாடசாலையொன்றில் உயர்தரம் கற்கும் மாணவர்களே இவ்வாறு நீரில் மூழ்கி காணாமல் போயுள்ளனர்.

காணாமல் போன மாணவர்களைத் தேடும் நடவடிக்கைகளை பொலிஸ், இராணுவத்தினர் மற்றும் பிரதேசவாசிகள் முன்னெடுத்து வருவதாக, கிரிந்திவெல பொலிஸார் தெரிவித்துள்ளனர்.