இராணுவ அதிகாரியொருவரை இலங்கைக்கு மீள் அழைத்துக்கொள்ளுமாறு கோரிக்கை

மாலி நாட்டின் அமைதிப் படையில் இணைந்துள்ள இலங்கை இராணுவக் குழுவின் கட்டளையிடும் அதிகாரியான, லெப்டினன் கேர்ணல் கலன அமுனுபரவை மீண்டும் இலங்கைக்கு அழைத்துக்கொள்ளுமாறு, ஐக்கிய நாடுகள் சபை இலங்கை அரசிடம் கோரிக்கை விடுத்துள்ளது.

ஐக்கிய நாடுகள் சபையின் பொதுச் செயலாளர் அன்டோனியோ குட்டரஸால் இந்த கோரி்க்கை விடுக்கப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

லெப்டினன் கேர்ணல் கலன அமுனுபுர மீது முன் வைக்கப்பட்டுள்ள மனித உரிமைகள் தொடர்பான குற்றச்சாட்டு அறிக்கைக்கமையவே, இந்த கோரிக்கை இலங்கை அரசிடம் முன்வைக்கப்பட்டுள்ளதாகத் தெரிவிக்கப்படுகின்றது.