இலகுவாக வர்த்தகம் செய்யும் நாடுகளுள் இலங்கை முன்னேற்றம்

இலகுவாக வர்த்தக நடவடிக்கைகளை முன்னெடுக்கக் கூடிய நாடுகள் தொடர்பில், உலக வங்கியின் கணக்கீட்டு அட்டவணையின் படி இலங்கை முன்னோக்கி வந்துள்ளதென்றும் இதற்கமைய, 190 நாடுகளில் இலங்கை 99ஆவது இடத்துக்கு வந்துள்ளதென்றும் தெரிவிக்கப்பட்டுள்ளது.

கடந்தாண்டு இலங்கை 100ஆவது இடத்தில் காணப்பட்டதாகவும் தெரிவிக்கப்படுகின்றது.

இந்தப் பட்டியலில் இந்தியா 68ஆவது இடத்திலும் முதல் 5 இடங்களில் நியுசிலாந்து, சிங்கப்பூர், ஹொங்கொங், டென்மார்க், கொரியா ஆகிய நாடுகளும் இறுதியாக லிபியா, வெனிசுவேலா, எரித்திரியா, சோமாலியா ஆகிய நாடுகளும் காணப்படுகின்றன.

வர்த்தகத்தை ஆரம்பித்தல்,  மின்சாரத்தைப் பெறுதல்,  பதிவு செய்தல், கடன் பெறுதல், வரி செலுத்துதல் போன்ற பத்து காரணங்களை அடிப்படையாக வைத்து, இந்த கணக்கீடு உலக வங்கியால் முன்னெடுக்கப்பட்டுள்ளது.