இலங்கையின் சனத்​தொகை கணக்கெடுப்பு 2021 இல் முன்னெடுக்க திட்டம்

நாட்டின் மொத்த வீட்டுவசதி மற்றும் மக்கள் தொகை தொடர்பான கணக்கெடுப்பானது 2021ஆம் ஆண்டு முன்னெடுப்பதற்கு திட்டமிடப்பட்டுள்ளது.

இதற்கு தேவையான  பட்டியலைத் தயாரிக்கும் வேலைத்திட்டங்கள் 2020ஆம் ஆண்டு ஆரம்பிக்கப்படவுள்ளதாக, தொகை மதிப்பு மற்றும் புள்ளிவிபரவியல் திணைக்களம் தெரிவித்துள்ளது.

10 வருடத்துக்கு ஒருமுறை முன்னெடுக்கப்படும் இந்த சனத்தொகை கணக்கெடுப்பானது இறுதியாக 2012ஆம் ஆண்டு முன்னெடுக்கப்பட்டதுடன், சுமார் 30 வருடத்துக்குப் பின்னர் வடக்கு, கிழக்கு என முழு நாட்டையும் உள்ளடக்கி இந்த சனத்தொகை கணக்கெடுப்பு மேற்கொள்ளப்பட்டிருந்தது.

குறித்த கணக்கெடுப்புக்கு அமைய 52,67,000 வீட்டு வசதிகளும், 20. 4 மில்லியன் மக்களும் இலங்கையில் வாழ்வதாகவும் புள்ளிவிபரவியல் திணைக்களம் அறிக்கை வெளியிட்டிருந்தமை குறிப்பிடத்தக்கது.