உணவு நஞ்சடைந்தமையால் 30 ஆடுகள் பலி

சிலாபம் – கினியம தோட்டத்தில் முப்பது ஆடுகள் உணவு நஞ்சடைந்தமையின் காரணமாக உயிரிழந்துள்ளதாக, பிங்கிரிய மிருக வைத்திய அதிகாரி பி.ஜி.ஏ.எஸ் ரஷிகா தெரிவித்துள்ளார்.

கடந்த மூன்று நாள்களுக்கு முன்னர் இந்த ஆடுகள் உயிரிழந்துள்ளதாகவும், இன்னும் சில ஆடுகள் உயிரிழக்கும் ஆபத்தான நிலையில் காணப்படுவதாகவும், அத்தோடு “எசிடொசியஸ்” எனப்படும் நோய் நிலைமைக்கு இவை உள்ளாகியுள்ளதாகவும், இதற்கு காரணம், குறித்த ஆடுகளுக்கு வழங்கப்பட்ட உணவில் காணப்பட்ட விஷம் என்றும் அவர் ஊடகங்களுக்கு கருத்து தெரிவித்துள்ளார்.