உறுப்பினர் உபாலி குழப்பம்

முன்னாள் ஜனாதிபதி மஹிந்த ராஜபக்ஷவின் பிரதான ஆதரவாளரான மேல் மாகாண சபை உறுப்பினர் உபாலி கொடிகார, ஜனாதிபதி விசாரணை குழுவின் அறைக்குள் நுழைந்தபோது குழப்பம் விளைவித்ததாக அறியமுடிகின்றது.

இந்த அறையில் போதியளவான இடவசதி இன்மையினால், வருகைதருகின்ற அனைவருக்கும் இடவசதிகளை ஏற்படுத்தி கொடுக்கமுடியாது என்று ஆணைக்குழு அறிவித்தல் ஒட்டியுள்ளது.

ஆணைக்குழு அறிவித்தலுக்கு அமைய அழைக்கப்பட்ட சட்டத்தரணிகள் மற்றும் ஊடகவியலாளர்கள் முதலில் அனுமதிக்கப்படுவர். அதற்கு பின்னர் அறையில் இடமிருந்தார் ஏனையோர் அனுமதிக்கப்படுவர்.

இதுதொடர்பில் ஏதாவது இடைஞ்சல்கள் ஏற்படுமாயின் அதற்காக வருந்துவதாக ஆணைக்குழுவின் செயலாளர் லெஸ்லி த சில்வா தெரிவித்துள்ளார்.