ஊழியர்கள் 360 பேருக்கு தொற்று; மூவர் மரணம்

ரயில்வே திணைக்கள ஊழியர்கள் 360 பேர் இதுவரை கொரோனா வைரஸ் தொற்றுக்கு உள்ளாகியுள்ளனர் என்பதுடன், மூவர் தொற்றுக் காரணமாக மரணித்துள்ளனர்.

அத்துடன், ரயில் நிலையப் பொறுப்பதிகாரிகள் மற்றும் ஊழியர்கள் தொற்றுக்குள்ளாகியுள்ள காரணத்தால், கரையோர மார்க்கத்திலான 5 ரயில் நிலையங்கள் உட்பட சுமார் 10 ரயில் நிலையங்கள் தற்காலிகமாக மூடப்பட்டுள்ளன என ரயில்வே திணைக்களம் தெரிவித்துள்ளது.

இதனையடுத்து, கடுமையான பயணக் கட்டுப்பாடுகள் விதிக்கப்பட்டு, இன்று (19) முதல் 82 ரயில் சேவைகள் மாத்திரமே இடம்பெறும் என்றும் ரயில்வே திணைக்களம் அறிவித்துள்ளது.