ஐ.தே.க வின் விசேட கலந்துரையாடல்

ஐக்கிய தேசிய முன்னணியின் நாடாளுமன்ற உறுப்பினர்களின் விசேட கலந்துரையாடலொன்று இன்று மாலை 6 மணியளவில் அலரி மாளிகையில் இடம்பெறவுள்ளது.

கட்சியின் தலைவர் ரணில் விக்கிரமசிங்க தலைமையில் இந்தக் கூட்டம் இடம்பெறவுள்ளதென நாடாளுமன்ற உறுப்பினர் முஜிபுர் ரஹ்மான் தெரிவித்துள்ளார்.

ரணில் விக்கிரமசிங்கவுக்கு நாடாளுமன்றத்தில் உயரிய நம்பிக்கையுள்ளதென சமர்ப்பிக்கப்பட்ட யோசனையானது நேற்றைய தினம்  117 ​வாக்குகளால் நிறைவேற்றப்பட்டமைத் தொடர்பிலும் இன்றைய தினம் கலந்துரையாடப்படவுள்ளதாக அவர் தெரிவித்துள்ளார்.

அத்துடன் இன்றைய தினம் உயர்நீதிமன்றத்தில் வழங்கப்படவுள்ள தீர்ப்பின் பின்னர் முன்னெடுக்கப்பட வேண்டிய நடவடிக்கைகள் தொடர்பிலும் இன்று கலந்துரையாடப்படவுள்ளதாக முஜிபுர் ரஹ்மான் தெரிவித்துள்ளார்.