ஒரு அதிகாரசபைக்கு எதிராக முறைப்பாடு

சட்டவிரோத ரத்தினக் கற்கள் அகழ்வை அனுமதித்தற்காக இரத்தினக்கல் மற்றும் தங்க ஆபரணங்கள் அதிகாரசபைக்கு எதிராக பொது நிறுவனங்களுக்கான குழு (COPE) முறைப்பாடு அளிக்க உள்ளதாக நேற்று (01) தெரிவிக்கப்பட்டது.

ஹெரணியவக பிரதேசத்தில்  சட்டவிரோதமாக இரத்தினக் கற்கள் அகழ்வு செய்யப்படுவது குறித்து இரத்தினக்கல் மற்றும் தங்க ஆபரணங்கள் அதிகாரசபையிடம் கோப் குழு சமீபத்தில் அதன் தலைவர் பாராளுமன்ற உறுப்பினர் நிஷாந்த சமரவீரவை சந்தித்தது.

ஒரு குறிப்பிட்ட நிறுவனத்தின் செயல்பாடு குறித்து குழு கேள்வி எழுப்பியுள்ளது, மேலும் அந்த அதிகாரசபையுடன் இணைக்கப்பட்ட அதிகாரிகள் வினைத்திறனான பதில்களைக் கொடுக்கத் தவறிவிட்டனர்.

பின்னர் கோப் தலைவர், இலஞ்சம் மற்றும் ஊழல் தொடர்பான சாத்துதல்களை புலனாய்வு செய்யும் ஆணைக்குழுவிடம் முறைப்பாடு அளிக்குமாறு குழு செயலாளரிடம் கோரிக்கை விடுத்தார். உரிமங்கள் வழங்காமல் சுரங்கத் தொழில் அனுமதிக்கப்பட்டிருப்பது தெரியவந்தது.

குறைந்த மதிப்பிடப்பட்ட மதிப்பில் ஏற்றுமதி செய்யப்படவிருந்த ரூ.250 மில்லியன் மதிப்புள்ள ரத்தினக் கற்கள், ரூ.10,000 மட்டுமே அபராதம் விதித்து அதிகாரசபையால் விடுவிக்கப்பட்டுள்ளது என்பதும் தெரியவந்தது. சரியான அபராதம் அண்ணளவாக ரூ.33 மில்லியன் என்ற போதிலும் இது செய்யப்பட்டுள்ளது.

அமெரிக்காவின் லாஸ்-வேகாஸில் நடந்த ரத்தினம் மற்றும் தங்க கண்காட்சியில் கலந்து கொள்ள ரத்தினம் மற்றும் தங்க ஆபரண அதிகாரசபை அதிகாரிகள் ரூ.6.1 மில்லியன் செலவிட்டிருப்பதும் தெரியவந்தது. இந்தக் கேள்விக்கு பதிலளித்த அதிகாரசபையின் தலைவர், இலங்கை தனது ரத்தினங்களை மேம்படுத்துவதற்கு வெளிநாட்டு வெளிப்பாடு அவசியம் என்று கூறியுள்ளார்.

மேலும், குத்தகைக்கு விடப்பட்ட ஒரு கட்டிடத்திற்கு வாடகையாக 2 பில்லியன் ரூபாயை அந்த அதிகாரசபை செலவிட்டுள்ளதும் தெரியவந்தது. அந்த அதிகாரசபைக்குச் சொந்தமான கட்டிடத்தை வெறும் 21 மில்லியன் ரூபாய்க்கு புதுப்பிக்க முடியும் என்ற நிலையில், இந்த நடவடிக்கை மேற்கொள்ளப்பட்டுள்ளது.

மத்திய பொறியியல் ஆலோசனைக் குழு, அதிகாரசபைக்குச் சொந்தமான கட்டிடத்தை புதுப்பிப்பதற்கான செலவு 21 மில்லியன் ரூபாய் மட்டுமே என்று உறுதியளித்திருந்த போதிலும், இந்த நடவடிக்கை மேற்கொள்ளப்பட்டுள்ளது. இந்த நடவடிக்கையால் பொது நிதி பெருமளவில் வீணாகியுள்ளது என்று கோப் குழு கருதுகிறது.

இரத்தினக்கல் மற்றும் தங்க ஆபரண அதிகாரசபை அதன் செயல்பாடுகளை திறம்பட நிறைவேற்றத் தவறிவிட்டது என்றும், வணிக நடவடிக்கைகளை மேற்கொள்வதில் மட்டுமே கவனம் செலுத்தியுள்ளது என்றும் கோப் குழு தெரிவித்துள்ளது.