காஷ்மீர் தாக்குதல் தொடர்பில் மோடிக்கு அழைப்பெடுத்து ஜனாதிபதி கவலை

இந்தியப் பிரதமர் நரேந்திர மோடிக்கு, நியூயோர்க் நகரத்திலிருந்து ஒரு விசேட தொலைபேசி அழைப்பை மேற்கொண்ட ஜனாதிபதி மைத்திரிபால சிறிசேன, காஷ்மீரில் இடம்பெற்ற தாக்குதல் குறித்து, தமது கவலையைத் தெரிவித்துக்கொண்டார்.

இந்தியப் படையினர் உயிரிழப்பதற்குக் காரணமாய் அமைந்த அத்தாக்குதல் தொடர்பில், இலங்கை அரசாங்கம் சார்பிலும் மக்கள் சார்பிலும் தாம் தனிப்பட்ட முறையிலும் பெரிதும் கவலையடைவதாகக் குறிப்பிட்ட ஜனாதிபதி, இத்தகைய செயற்பாடுகளுக்கு எதிராக ஒரு பிராந்திய கூட்டு முயற்சியின் அவசியத்தையும் வலியுறுத்தினார்.