”கட்டணங்களைக் குறைக்க முடியாது”

எரிபொருள் விலையில் அண்மையில் திருத்தம் செய்யப்பட்ட போதிலும், கட்டணங்களைக் குறைக்கப் போவதில்லை என்று கொழும்பு மேல் மாகாண முச்சக்கர வண்டி ஓட்டுநர்கள் மற்றும் உரிமையாளர்கள் கூட்டுறவு சங்கம் தெரிவித்துள்ளது. 

பெட்ரோல் விலை ரூ.10 குறைக்கப்பட்டதால், முச்சக்கர வண்டி கட்டணத்தை 50 சதம் அல்லது ரூ.1 குறைப்பது நடைமுறைக்கு சாத்தியமில்லை என்று சங்கத்தின் பிரதிநிதி ஒருவர் ஊடகங்களுக்குத் தெரிவித்தார். 

பொதுமக்களுக்கு மிகவும் திறமையான சேவையை வழங்குவதற்காக முச்சக்கர வண்டி டக்ஸி முறையை ஒழுங்குபடுத்துமாறு அவர் அரசாங்கத்தை மேலும் வலியுறுத்தினார். 

"ஒரு லிட்டர் பெட்ரோல் ரூ. 10 குறைக்கப்பட்டுள்ளது. ஒரு முச்சக்கர வண்டி ஒரு லிட்டர் பெட்ரோலைப் பயன்படுத்தி 20 கிலோமீட்டர் பயணம் செய்யலாம். கட்டணத்தை ரூ. 10 குறைத்தாலும், ஒரு கிலோமீட்டர் கட்டணம் ரூ. 50 ஆகும். இதை 50 சதம் குறைக்க முடியுமா? இது நடைமுறைக்கு ஏற்றதல்ல," என்று அவர் மேலும் கூறினார். 

இலங்கை பெட்ரோலியக் கூட்டுத்தாபனம் (CPC) நேற்று நள்ளிரவு முதல் எரிபொருள் விலைக் குறைப்பை அறிவித்ததை அடுத்து இந்த முடிவு எடுக்கப்பட்டுள்ளது.