கத்திரிக்கோலால் குத்தி இளைஞன் கொலை

பட்டபொல- பொரலுவாதொட்ட பிரதேசத்தில் உள்ள சலூன் ஒன்றில் வைத்து, இளைஞரொருவர் கத்திரிகோலால் குத்திக்  கொலை செய்யப்பட்டுள்ளார்.

25 வயது இளைஞர் ஒருவர் முடி வெட்டுவதற்காக சலூனுக்கு வந்த போது, அங்கு மதுபோதையில் வந்த நபரொருவர் குறித்த இளைஞனை கத்திரிக்கோலால் குத்தியுள்ளார்.

இதன்போது காயமடைந்த இளைஞர் காலி கராப்பிட்டிய வைத்தியசாலையில் அனுமதிக்கப்பட்ட பின்னர் உயிரிழந்துள்ளதுடன், கொலையாளி அடையாளம் காணப்பட்டுள்ளதுடன், அவர் பிரதேசத்திலிருந்து தப்பியோடியுள்ளதாகவும் பட்டபொல பொலிஸார் தெரிவித்துள்ளனர்.