’கரு ஜயசூரியவின் வங்கிக் கணக்கிலிருந்து அறவிட வேண்டும்’

கடந்த மாதம் 14 ஆம் திகதியிலிருந்து கூட்டப்பட்ட நாடாளுமன்ற அமர்வுகளுக்கான மொத்தச் செலவையும், சபாநாயகர் கரு ஜயசூரியவின் வங்கிக் கணக்கலிருந்து அறவிடப்பட வேண்டும் என நாடாளுமன்ற உறுப்பினர் ரோஹித அபேகுணவர்தன தெரிவித்துள்ளார்.

ஸ்ரீ லங்கா பொதுஜன பெரமுனவின் தலைமையகத்தில் இன்று(10) நடைபெற்ற ஊடகவியலாளர் சந்திப்பில் கலந்துகொண்டு கருத்துரைக்கும்போதே அவர் மேற்கண்டவாறுத் தெரிவித்தார்.

நாடாளுமன்றம் கலைக்கப்பட்டமை சரியென உயர்நீதிமன்றம் தீர்ப்பு வழங்குமாக இருந்தால், கடந்த மாதம் 14 ஆம் திகதியிலிருந்து கூட்டப்பட்ட நாடாளுமன்ற அமர்வுகளுக்கான மொத்தச் செலவையும் சபாநாயகரிடமிருந்து அறவிட வேண்டும் எனவும் அவர் தெரிவித்தார்.