கலால் திணைக்கள அதிகாரி உள்ளிட்ட எண்மர் கைது

6 இலட்சம் ரூபாய் பெறுமதியான ஐஸ் போதைப்பொருளுடன் கலால் திணைக்களத்தில் கடமையாற்றும் கொன்ஸ்டபிள் உள்ளிட்ட 8 பேர் கைதுசெய்யப்பட்டுள்ளனர்.

குறித்த கொன்ஸ்டபிள் அநுராதபுரம் கலால் தி​ணைக்களத்தில் கடமையாற்றுவதாகத் தெரிவிக்கப்பட்டுள்ளது.

புத்தளம் பிரிவு ஊழல் ஒழிப்பு பிரிவின் அதிகாரிகளால் முன்னெடுக்கப்பட்ட சுற்றிவளைப்பின் போதே, இவர்கள் கைதுசெய்யப்பட்டுள்ளனர்.

இவ்வாறு கைதுசெய்யப்பட்டவர்களுள் 4 பெண்களும் உள்ளடங்குவதாகவும் இன்று அதிகாலை இவர்கள் கைதுசெய்யப்பட்டதாகவும் தெரிவிக்கப்படுகின்றது.