கல்கிஸ்சையில் இனந்தெரியாத நபரின் சடலம் மீட்பு

கல்கிஸ்சை பிரதேசத்தில் அமைந்துள்ள உணவகம் ஒன்றின் வாகன தரிப்பிடத்தில், இனந்தெரியாத நபரொருவரின் சடலத்தை பொலிஸார் நேற்று (08) இரவு மீட்டுள்ளனர்.

பொலிஸாருக்குக் கிடைக்கப்பெற்ற தகவலையடுத்து, கல்கிஸ்சை- சேரம் பகுதியிலிருந்து, குறித்த  சடலம் மீட்கப்பட்டுள்ளது.

குறித்த நபர் சில தினங்களுக்கு முன்னராக உயிரிழந்துள்ளதாக தெரியவருவதுடன், சடலம் அடையாளம் காணப்படவில்லையென, பொலிஸார் தெரிவித்தனர்.

மீட்கப்பட்ட சடலம் களுபோவில வைத்தியசாலையின் பிரேத அறையில் வைக்கப்பட்டுள்ளதுடன், பொலிஸார் மேலதிக விசாரணைகளை மேற்கொண்டுள்ளனர்.